Ysgol Ddydd Archaeoleg Ceredigion

Manylion cranc a gêr y drwm weindio ar yr olwyn ddŵr ym Mwynglawdd Ystrad Einion, NPRN:-33908

Dydd Sadwrn 24 Mawrth 2012 yng Nghanolfan Morlan,
Aberystwyth 10.30 a.m. - 4.30 p.m

Bydd dau o archaeolegwyr blaenllaw’r Comisiwn, Dr Toby Driver a Louise Barker, yn cefnogi Ysgol Ddydd Archaeoleg Ceredigion yn Aberystwyth ar 24ain Mawrth. Trefnir y digwyddiad gan Ymddiriedolaeth Archaeolegol Dyfed ac fe fydd yn ddiwrnod o gyflwyniadau, arddangosfeydd a thrafodaethau ar ganlyniadau ymchwil ac ymchwiliadau archaeolegol diweddar yng Ngheredigion.  Bydd Louise Barker yn sôn am arolygu mwynglawdd copr Ystrad Einon a chreu animeiddiad 3D ohono, a bydd Dr Toby Driver yn sgwrsio am y gwaith cloddio yn fila Rufeinig Abermagwr fis Gorffennaf diwethaf. Bydd ein dau archaeolegydd cymunedol o’r Prosiect Cysylltiadau Metel yno hefyd i gynnal arddangosfa a sôn am eu gwaith.

£3 sy’n cynnwys te, coffi a bisgedi. Archebwch yn gynnar er mwyn osgoi cael eich siomi.
Cysylltwch â : Menna Bell, Archaeolegydd Cymunedol Ffôn 01558 825997 m.bell@dyfedarchaeology.org.uk


Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:
Twitter Hashtag: #RCAHMWales