Y Tu Ôl i’r Llenni yn Arddangosfa ‘Worktown’

Yn ystod yr wythnos ddiwethaf, mae ein tîm wedi bod yn paratoi rhai o luniadau gwreiddiol Falcon Hildred i’w harddangos yn Amgueddfa Ceunant Ironbridge ym mis Hydref.

Bydd dros 40 o luniadau gwreiddiol yr arlunydd yn cael eu harddangos, gan gynnwys nifer o luniadau sy’n cofnodi tirwedd a diwydiant llechi gogledd Cymru, lle bu’r arlunydd yn byw ers 1969.

Noson Serennog, 1977, Ffordd Manod, Blaenau Ffestiniog.
FHA 01/049, NPRN 305760, © Y Goron: CBHC, Casgliad Falcon Hildred.

Cofnododd Falcon lawer o adeiladau yn nhref lechi ddiwydiannol Blaenau Ffestiniog a’r cyffiniau, gan gynnwys tai Ffordd Manod. Mae’r llun uchod yn dangos y stryd yn y nos, ac mae’n un o weithiau mwyaf atmosfferig yr arlunydd.

Rachael Barnwell, sydd wedi bod yn gweithio mewn partneriaeth â chydweithwyr yng Ngheunant Ironbridge, wrthi’n mesur y fframiau ar gyfer yr arddangosfa.

Mae mynediad i’r arddangosfa yn ddi-dâl a gellir ei gweld yn Oriel Coalbrookdale yn Amgueddfa Ceunant Ironbridge. Bydd ar agor rhwng 10am a 5pm, Dydd Llun i Ddydd Gwener, o 5 Hydref 2012 hyd 20 Ebrill 2013. Ffoniwch 01952 433424 neu ewch i www.ironbridge.org.uk i gael rhagor o fanylion.

Darlleniad Pellach:

• Worktown: the Drawings of Falcon Hildred | Heritage of Wales News
  Bu tîm o guraduron, gwirfoddolwyr ac archifyddion o'r Comisiwn Brenhinol ac Ymddiriedolaeth Amgueddfa Ceunant Ironbridge yn gweithio gyda'i gilydd i baratoi arddangosfa wych newydd o waith yr arlunydd Falcon Hildred ...
   
• Gwaith Celf Diwydiannol Unigryw yn Ennill Cymorth Cronfa ...
  Mae Cronfa Dreftadaeth y Loteri wedi dyfarnu £46,700 i Gomisiwn Brenhinol Henebion Cymru i brynu casgliad unigryw o fwy na 600 o luniadau a dyfrlliwiau gwreiddiol gan Falcon Hildred, artist sy'n gweithio yng Nghymru'n ...

Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:
Twitter Hashtag: #RCAHMWales